越泰 (已結業)

今日有啲私事要去上环，搞掂嘅时候已经天黑噜。本身念住出翻铜锣湾食饭，行入地铁前见到有间食越南同泰菜，横掂都肚饿，就试下啦！ 越泰座位都几阔落，设有六人大卡位，一班人嚟食都无问题！墙上挂满好多有特色嘅墙画装饰，好有民族风情。 珍多冰 食东南亚茶少不了嘅当然系冰冻特饮。珍多冰有啲似打成杰身啲嘅奶昔。有三分一系好香椰子味嘅cream状，可以用匙羹食。下半份就系平常嘅饮品咁，类面啲jelly条几滑，唔会好难咬开。泰式生虾刺身一盘大概有十只，好抵食。虾好新鲜，食落爽口鲜甜，唔会雪味。酱汁值得一赞，比较浓。唔会太辣，酸酸地好开胃。越南春卷（四件）春卷热辣辣，有四件，配以生菜同酱汁。春卷炸得松脆香口，内类有啲粉丝咁，口感几特别。用生菜包住可以减小热气同油腻，酱汁系由厨师亲自调制，诚意十足马拉盏炒椰菜苗喂食妹第一次食椰菜苗，平时都系食通菜多。店员好细心咁帮我地落咗小辣，怕我地食5惯。椰菜苗食落爽口，咸咸香香，有镬气！河内香茅烧春鸡 呢个系招牌菜，原只春鸡插落架到烧。因为即叫即整，非要热。由客人自行带手套食。一撕开只鸡，啲肉汁多到系咁滴出嚟，劲吸引！鸡好有香茅嘅香，肉质又嫩滑，