漁一海鮮火鍋料理 (已搬遷) 新店位置

朋友知道尖沙嘴有开新嘅边炉店，有醉鸡汤底食，仲有新开张优惠，就揾咗我去一齐试下新嘢。我哋嗌咗半只鸡嘅醉鸡锅，鸡件系另上嘅，鸡肉嫩滑有鸡味，有少少肥肉，鸡皮好香。之后仲有碟手切肥牛，肥瘦适中，口感软稔，牛味浓，而且好大碟。手唧墨鱼面唔多地方有得食，佢个鱼面好出色，渌耐咗都爽口弹牙，鲜味十足。手制韭菜饺都诚意十足，皮薄馅料饱满，韭菜香而且菜多肉少，唔会太结实仲有好多汁。唐生菜新鲜，浸满醉鸡汤，有种上汤生菜嘅感觉。紫贝天葵清热解渴，唔会太甜，有少少酸瞇瞇。除咗火锅之外，我哋仲嗌咗鱼生拼盘。有带子、八爪鱼、三文鱼、海胆同甜虾，刺身整体都新鲜，海胆仲有得配紫菜食。甜虾甘甜，三文鱼肥美，仲清一清火锅嘅热气。