尚八日式燒肉店 (已結業)

揀左星期日十點時段嚟食，坐得鬆動，張枱夠大，夠位可以放好多食物都唔怕。食物質素好，對得住個價錢，和牛叫幾多黎幾多，唔會扣份量，好均真，值得一讚。而且每一次上肉都會有標簽講返俾客人知肉的部位，唔會好似其他餐廳咁得第一碟有，我地食咗四五轉都清楚燒緊邊款肉，呢樣野唔係好多烤肉放題做到講返食物，牛胸腹好重牛肉味，肉質夠腍，牛三角唔係度度有，油脂好甜，燒起上嚟好香，油脂撈飯一流好好食。另外最推介係大啡菇，加左香草調味冇得輸，而且好juicy，其他食物都唔差，質素好好，值得推介！岩晒鐘意狂燒和牛嘅人，當晚點左四五轉和牛，好滿足！