影片
更多
2018-10-20
1007 浏览
今日要去劳工处跟进工伤补偿，办完正经事后，见时间已经不早，决定过去长沙湾接老公放工，顺便喺区内觅食。见近排吃得太多肉，本来打算去食餐斋，不过老公提议带我去食素汉堡。原来佢之前和公司同事嚟过这间「Fast Taste」食晏，知道餐厅有素食供应，尤其是几款素汉堡，口碑唔错，所以想同我去试下。餐厅位于元州街，门面唔算起眼，门外放有两大块手写黑板餐牌，原来净系「素食」都已经有成 10 款咁多，包括有素汉堡、素食意粉同意大利饭，另外亦有 6 款 Dinner Set 可供选择，价钱丰俭由人。估唔到间餐厅地方细细，但原来入面都几阔落，装潢很有特色，以红砖墙与水泥墙互相搭配，墙壁挂有不少装饰品，例如手工啤酒瓶、拨盘式电话等，潮得嚟又带点怀旧，让人眼前一亮。由于头先喺门口已经睇咗餐牌，所以入座后便可以即时点餐。我选了素食汉堡而老公就拣咗凉拌乌冬，另外亦加配咗餐汤、鸡翼同洋葱圈。是日餐汤系蕃茄汤 (跟餐+$18x2)，先趁热呷一口汤头，汤身稀稠适中，入口带啖啖蕃茄鲜香，非常顺喉，既天然又健康，如果可以喺汤内再加入一些蕃茄蓉，相信会更加滋味。接著是我点的巨菇芝士汉堡配薯条 ($49)，汉堡用木托盘呈上，看
餐厅位于元州街，门面唔算起眼，门外放有两大块手写黑板餐牌，原来净系「素食」都已经有成 10 款咁多，包括有素汉堡、素食意粉同意大利饭，另外亦有 6 款 Dinner Set 可供选择，价钱丰俭由人。
估唔到间餐厅地方细细，但原来入面都几阔落，装潢很有特色，以红砖墙与水泥墙互相搭配，墙壁挂有不少装饰品，例如手工啤酒瓶、拨盘式电话等，潮得嚟又带点怀旧，让人眼前一亮。
由于头先喺门口已经睇咗餐牌，所以入座后便可以即时点餐。我选了素食汉堡而老公就拣咗凉拌乌冬，另外亦加配咗餐汤、鸡翼同洋葱圈。
是日餐汤系蕃茄汤 (跟餐+$18x2)，先趁热呷一口汤头，汤身稀稠适中，入口带啖啖蕃茄鲜香，非常顺喉，既天然又健康，如果可以喺汤内再加入一些蕃茄蓉，相信会更加滋味。
接著是我点的巨菇芝士汉堡配薯条 ($49)，汉堡用木托盘呈上，看起来相当有分量，入面除了夹有鸡脾菇、芝士和大啡菇外，还有新鲜蕃茄同原块生菜，非常足料。大啡菇肉厚多汁，菇味浓郁。面包香气甚重，松软得来又够挺身，而且最正就系每一口都会咬到所有食材，配埋香脆的薯条食，味道一流。
至于老公点的软壳蟹芝麻酱凉拌赞岐乌冬 ($72) 味道亦唔错，乌冬用一个阔口汤碗盛载，分量刚好，面头铺满粟米粒、红萝卜丝同青瓜丝，看起来很清新。将乌冬与麻酱拌匀，再挟起一尝。乌冬入口微凉、滑溜烟韧，甚有嚼劲，加上每条乌冬都挂满了芝麻酱，所以食落特别浓香惹味。另上的软壳蟹亦很有水准，外层被炸至金黄色，入口劲 Crispy，酥脆甘香，一点也不油腻。
另外加配咗原味鸡翼同洋葱圈，每款都只系 $10，非常抵食。鸡翼外层嘅炸粉薄薄地，一啲都唔过厚，食落非常脆口，鸡肉嫩滑；而洋葱圈亦好有水准，色泽金黄诱人，吃来外头酥脆，入口甜软。
跟餐饮品选了柑桔柠檬，一冻一热，两款都好饮，入口微酸、带淡淡橘香，各擅胜场。今次老公呢个介绍真系唔错，应记一功，下次就一于轮到我带佢去食好嘢啦！
张贴
