Nomad Burger (德民大廈) (已結業)

Burger 从来唔会系我谂食嘢时既首选，加上系宅在家叫外卖会好影响汉堡层层分明、薯条既香脆感，更加唔敢抱太大期望。但凡事总有意外惊喜，当中今次以明太子薯条劲推必试。慢煮手撕猪双层汉堡 $99手撕猪有单层/双层/三层选择，称用上慢煮方法，果然咬落每丝肉既肉质软嫩鲜味Juicy，唔想食太浓味既建议选择呢款。麻辣软壳多虾饼汉堡 $178（套餐连薯条、汽水）大大只软壳蟹炸得酥脆、虾饼够弹牙、配上微微麻辣既蛋黄酱，配搭惹味，系香口浓味既好选择。炸鱼芝士他他汉堡 $118 （套餐连薯条、汽水）经典配搭炸鱼+他他酱，微酸既味道中和左炸物+芝士既油腻。炸鱼外层外卖黎到都同样保持到脆口。明太子薯条 （套餐加钱$15）超惊喜既酱汁，睇相都见到酱汁布满左超多既明太子粒粒。粗大条薯条炸得香脆，沾上呢个酱汁咸鲜味十足，啖啖爆籽享受。平常唔太好薯条都忍唔住因为呢个酱一口接一口食。三重松露薯条 （套餐加钱$15）用上松露酱、白松露油、松露粉等做成既松露酱味同样做得出色，薯条亦洒上松露粉，惹味十足，打开盒味道就扑鼻而来。