百樂小館 (已結業)

我一向对中餐的兴趣不大，唯独上海菜和潮州菜例外，今晚同事约我去百乐小馆，即管试吓啦！位于美丽华商场里面，原来呢度都几多食肆而且感觉好宽敞。门口属于开放式设计，整体装修好时尚及典雅。坐下不久，店员即端上几杯功夫茶及餐前小食，叹一口再慢慢叫嘢食。潮州嘢之中好好食嘅当然包括卤水鹅，所以我哋叫咗个卤水鹅肉拼盘（ $168 ），除了卤水鹅仲有墨鱼片、卤水蛋、豆腐和腩肉，3-4个人食都好够分，好味啊！另外同事介绍要食呢个潮式萝卜灌浆($60)，原来系将白萝卜浸汤然后去炸，外皮好脆，望落去以为好热气，但食落里面系多汁又腍既白萝卜，食既时候可以点「桔仔汁」，系一款潮洲酱汁，特别又几好味！仲食左煲明火煲靓汤($148)，阿姐话系黄瓜粟米煲唐排，热腾腾够哂味，好甜好味好滋润！至于榄菜肉碎四季豆（ $98 ），榄菜味唔系太突出，但都够镬气又惹味！整番条梅子明炉乌鱼($188)，睇住佢明火煮，一路煮一路闻到好香，好钟意佢个汁，酸酸地好开胃，应该用左梅子、柠檬、香草等去整，条鱼都好大条添！葱蒜牛肉崧煨饭($138)，原来系和牛黎架！用上汤煨完再炒饭，好味呀！食饱仲整多个甜品，潮式返沙芋条（ $78 ），据闻反沙