新潮樓 (已結業)

Emax 呢排搞紧婚展，今日特登入嚟睇跟住喺度食埋个lunch。黎到呢间都几出名嘅潮州菜， 试咗佢哋卤水鹅片同埋卤水鹅肠。 卤水鹅片非常之入味，唔会太鞋身， 底下有我哋最钟意食嘅卤水花生。 鹅肠冇鹅片咁入味但都非常新鲜，入口弹牙， 份量比想像中都多。另外叫咗小炒王， 呢个非常之出色，有大量虾干鱿鱼干， 连埋腰果粒，非常之香口有锅气。自家制虾蟹枣， 十分之弹牙， 入面嘅马蹄粒令口感更加丰富。鱼汤四宝河粉，$38 非常之大碗， 完全就我哋两个人分。因为系饮茶时间，我哋嗌咗笼虾饺，估唔到点心一样出色。黎到潮州餐馆，无理由唔试下佢嘅招牌甜品反沙芋头， 表层脆卜卜嘅糖浆加埋入面嫩口嘅芋头，真系好正。