神山麺屋 (創紀之城五期(apm))

营业中

休息中

香港近年兴起沾面, 所以开左一间又一间嘅日本过江龙。星期日下午刚好经过, 难得冇乜人排队, 就入去试下。呢间出名食沾面就当然要试下招牌菜。 豚肉好厚身, 但肥瘦太分明, 所以好易一啖瘦肉一啖肥肉。溏心蛋正正常常, 咬开会有少少流心。重头戏汤底同面质真系几高质! 面质啱啱好, 唔会太淋, 咬落去好有口感。面条沾完汤汁放入口, 味道好浓郁, 唔会太咸。汤汁亦唔会太稀, 可以每啖面条都沾满汤汁。呢个沾面真系好好食。我地都叫左个黑蒜汤底既沾面。虽然黑蒜味系几香, 但同神山沾面比较就会差段距离。黑蒜汤底味道冇咁丰富, 汤亦较稀。平时去拉面店我都好钟意食煎饺子, 但日式汤饺就真系少见。估唔到呢个汤饺都几好食, 饺子煎好后放入浓汤, 一大啖饺子连汤味道真系几唔错。叫左咁多浓味既野食, 谂住试下个淡味D既, 点知淡得济lol 鸡肉唔系特别嫩, 好似熟左少少, 亦都冇咩药膳味。虽然呢间仍然系比唔上我之前系东京食嘅六厘舍(真系一试难忘T^T), 但系香港食到既水准算系几高质。