胡爐 (已結業)

打边炉就啱哂我，因为可以每样食少少，湪下嘢戈时又可以倾下计。今次就试下中式设计嘅《胡炉》，位于尖沙咀厚福街，地点就已经好方便。设计用左好多中式雕花红木做屏风，好有心思。胡炉醉八鲜锅我见好多人都叫依款打卡，所以我都唔执输。八鲜锅好易理解就系八款海鲜，分别有主打嘅龙虾、鲍鱼、青口、蚬、鱿鱼、东风螺、花胶、鱼翅。最特别就系店员会倒入料酒再点火，火烧八鲜锅真系好有惊喜。汤底食落其实酒味唔会好多，相反就系海鲜嘅清甜味。完只龙虾咁煮，可以拆开啲肉嚟食，都几新鲜弹牙。胡炉牛拼盘牛一定系我打边炉嘅必备肉类。咁佢依款就有齐极上手切牛颈脊、牛胸爽、霜降牛粒、牛舌芯、安格斯手切肥牛。我自己就钟意肉味浓嘅手切牛颈脊同埋牛脂味重嘅安格斯手切肥牛。饺子拼盘有4款饺子，最特别一定要数黑松露饺、鱼皮饺、鲜虾云吞。薄都几薄，浓味就要试黑松露饺，香气四散。鲜甜就要食鲜虾云吞。丸类拼盘有5款丸类，最特别一定要数墨鱼丸、虾丸、牛骨牛汁丸同埋黑松露墨鱼丸。同出边唔一样，佢哋每一款都系手打，所以好弹牙呀。