相馬日式火鍋 (已結業)

呢间相马系火炭工业区，好鞋得呢度有任食火锅，放工即刻同同事黎试下呢度既晚市放题。我哋叫咗蕃茄汤嘅汤底，蕃茄好多好足料，好香蕃茄味，好清甜，愈煲愈出味，做汤底好健康🤓依度一般嘅火锅配料都好新鲜，啲生菜系新鲜喺街市即日买返嚟嘅，金菇，粟米仔呢啲都系好新鲜，食落好爽甜，配合呢个蕃茄汤底就岩晒🥸依度啲肉都好新鲜，我好中意佢地既特选美国牛肩胛，啲肉好实，又够牛味，薄薄一块好好食，好快就熟，同蕃茄汤好衬😎依度连海鲜都系任食，啲海鲜真系好新鲜，我好钟意佢哋嘅带子，够晒大粒够晒腍，仲有虾又系好弹牙，好好味🤩