canton pot (已結業)

今日跟朋友去旺角一间楼上火锅店Canton Pot开餐，佢地既汤底同野食都高质好有惊喜。餐厅距离地铁唔算远行左一阵就到，餐厅有好多VIP房，同大厅范围应该各占一半。今次安排到坐房有私人空间食得好舒服。餐厅推荐试下佢地全新既盛夏火锅餐单，食材全部都好高质同丰富：火焰龙虾膏蟹煲 （建议预订）席前烹调，有师傅系大家面前即煮。配料有洋葱、蘑菇、蕃茄、葱同蒜头，再用牛油煮。最后放埋好大只龙虾同埋膏蟹，倒埋玫瑰露酒后点火，酒精挥发后个玫瑰露香非常香。龙虾同膏蟹大大只，肉质爽脆，膏蟹就爆哂膏食得出好新鲜。食完海鲜，再饮埋汤，因为个汤用咗好多海鲜，仲加埋牛油同蕃茄去熬煮，所以非常清甜，饮到见哂底先至舍得加汤打边炉。「牛一快乐」火锅蛋糕打边炉点可以无靓牛肉，呢个系餐厅最新打卡级数既新item -「牛一快乐」火锅蛋糕。火锅牛蛋糕有个生日快乐牌仔，真系可以拎黎庆祝。D牛砌到成座蛋糕咁靓，入面有三款不同既牛 - 有A5级鹿儿岛萨摩和牛、本地新鲜牛颈脊同美国牛颈脊。个和牛油脂分布平均，入口即溶，而本地新鲜牛颈脊牛味好浓。海鲜拼盘叫左「珍宝海鲜汇」海鲜拼盘2人份，入面有鲍鱼片、蛏子皇、日本带子同瑶柱鲜虾滑。全部大