阿里山台式美人鍋 (已結業)

汤底拣左桃胶美人锅同酸菜白肉锅，觉得系一个几适合既配搭。美人锅入面有半只乌鸡，份量真系好多。味道非常鲜甜，饮落好滋润。建议大家要饮多几啖汤，同埋快啲食鸡肉。酸菜白肉锅可以免费追加酸菜白肉一客，汤底几酸好开胃，白肉有少少酒味。安格斯肉眼肥牛: 牛味都几浓，肉质有咬口，性价比高。叫左两款海鲜，有苏格兰圣子同南海贵妃蚌，两款都几鲜甜，唔会有腥味。特别中意圣子，大只弹牙，吸到汤既味道。鹅肝墨鱼丸: 墨鱼丸好弹牙，鹅肝味道唔系太食到。薯粉: 系好烟韧𠮶款粗薯粉，同两个汤底既味道都好夹，但个人会中意放系酸菜锅。生菜: 菜类系必定要放系美人锅，吸哂汤汁好好味。整体食物质素好，价钱合理。