人和月雞煲火鍋店 (已結業)

呢两日转冻，又系打边炉的时候。今晚去左位于尖沙咀的人和月鸡煲火锅店食火锅放题。餐厅座位宽敞，坐得舒服唔会迫。我地拣左$298美国极品和牛呢个餐，每枱送上一客美国极品牛肉拼盘，有牛下肩、牛板腱、金钱展、雪花肥牛同牛胸爽，肉质唔错。头盘我地拣左酸菜鱼，酸菜鱼肉质细嫩爽滑，酸辣度刚刚，够晒开胃。汤底我地拣左胡椒猪肚汤，胡椒味好浓郁。自助区有多种蔬菜如唐生菜、娃娃菜等，够晒新鲜。肉丸无雪味, 质素唔错，其中有两款绝对要试一试，分别系姜汁皮蛋丸同浓汁牛丸。海虾新鲜弹牙，鲜甜美味。饮品种类都好多，有特色饮品如洛神花蜜，蜂蜜菊花露等。甜品选择颇多，有芋圆，红豆，芝麻胡，豆腐花等。