盛記盆菜&盛記麵家

营业中

休息中

位于沙田沥源邨嘅「盛记盆菜」，夜晚其实系一间火锅店，细佬喺澳洲返嚟，仲带埋女朋友见我哋，一于同佢哋去食好嘢。今次我哋一行9人，叫咗一个8人套餐+象拔蚌刺身+自家制酸梅汤+两个汤底。🥢汤底汤底值得一赞，其中一个系椰子鸡煲，好多料好好味🫶🏻，鸡肉嫩滑。🥢象拔蚌刺身好爽好甜，大大盆，大家都忍唔住抢黎食，加少少Wasabi+豉油+柠檬汁，成盆好快就比人抢晒。🥢雪花肥牛牛魔王嘅家族例牌size点会够食，加多一碟肥牛，牛味重，无雪藏味，纹路好靓，如果唔系有其他好野食，一定叫多几碟！！🥢手打鲜墨鱼滑弹牙，好鲜，有墨鱼味，仲要有咬口，好好食！！🥢自家制酸梅汤限量供应，最后5支比我地叫埋！冰冻酸酸甜甜，好适合打边炉嘅时候饮。🥢其他配料呢个餐当然唔少得有其他常见火锅配料：蔬菜拼盘、响铃、粟米、豆腐、饺子，等等。每样都好好食，无失望。8人餐份量都好足够，一张枱放唔晒，侍应搬左张折台过嚟比我地放野食。呢间盛记除咗食材新鲜，周围嘅装修到好吸睛，适合一种钟意打卡嘅同路人，重点佢地冷气够强劲，一边叹冷气一边打边炉真系人生一大乐事。