魚川居 (已搬遷) 新店位置

旧同事生日，适逢今日已经有返堂食，立刻相约出来聚一聚，佢工作地点系观塘，当地有不少美食进驻，我哋好耐冇食放题，同事揾到一间叫鱼川居，有火锅放题，任饮任食90分钟，提议去试吓！餐厅位于工业大厦楼上，地方不算大，胜在整洁干净。设有自助区，供应饮品、火锅配料、熟食和冷盘。火锅放题以牛肉种类分几个价钱，视乎客人口味！另外每位客人都会奉送海鲜拼盘，有蟹、鲍鱼、花螺和帆立贝。呢个系一次性，所有海鲜都好新鲜，蟹内还有不少蟹膏，鲍鱼都好大只，鲜味弹牙。任食火锅配料除咗自助区有，另外还有任食牛肉、豚肉、广岛蚝等可以写纸落单。五款汤底有鱼有鸡，有辣有唔辣，我哋拣咗椰青鸡，汤底都好足料，椰青清香鲜甜，鲜鸡新鲜嫩滑。牛肉、豚肉色泽鲜艳，肉质鲜嫩，虎虾大只鲜甜弹牙，脆鲩腩、广岛蚝新鲜冇腥味，其他配料也有很多选拣！熟食都好好味！白切鸡皮爽肉嫩滑，至于炸鸡翼和煎午餐肉就系即叫即炸，热辣辣好香口。最后记得食甜品，奶冻和雪糕都系任食架！