影片
更多
2023-01-25
1017 浏览
锅处 今日放假喺东涌附近游览，夜晚就去左东荟城行下街顺便揾野食。其实东荟城餐厅好多，有好多选择，但就系见到呢间锅处，有放题打边炉选择，仲要价钱唔贵，于是就拣左呢间试一试。 我拣左澳洲安格斯牛肉，中等价钱，265蚊位。每人可以拣一个汤底，一人一锅都几唔错，仲要坐得舒服，位置都好宽敞，第一次黎感觉唔错。 好快店员已经上汤底同牛肉，汤底卖相唔错，味道亦香浓，而安格斯牛肉同猪肉就咁睇已经好靓，食落肉味浓，唔太肥，唔韧，肉质唔会太淋，我自己认为系出色既。呢度添肉就要叫店员拎肉俾你，要几多碟都得，食完店员亦好快会收左D食完既碟，唔会阻住晒D位。 讲返配菜方面，出面有个好大既自助沙律吧，蔬果新鲜选择多，亦有不同丸物可以拣，都非常之唔错。调味料方面都有D特别既地方，有不同风味既豉油同酱料可以选择，唔怕麻烦可以走多两转，试下配不同口味。 饮品同埋甜品方面都系自助形式既，冻饮品就喺雪柜自己拎，有糖冇糖选择都有。想饮热饮可以自己冲杯热茶，亦有几款不同茶可以选择。甜品就有两边雪柜，一边就有D布丁，紫薯呢类既手工甜品，另一个就系雪糕柜，有几款雪糕同雪条俾你拣，选择算好多喇。 总括而言，我认为锅处真系一间高质火锅
今日放假喺东涌附近游览，夜晚就去左东荟城行下街顺便揾野食。其实东荟城餐厅好多，有好多选择，但就系见到呢间锅处，有放题打边炉选择，仲要价钱唔贵，于是就拣左呢间试一试。
我拣左澳洲安格斯牛肉，中等价钱，265蚊位。每人可以拣一个汤底，一人一锅都几唔错，仲要坐得舒服，位置都好宽敞，第一次黎感觉唔错。
好快店员已经上汤底同牛肉，汤底卖相唔错，味道亦香浓，而安格斯牛肉同猪肉就咁睇已经好靓，食落肉味浓，唔太肥，唔韧，肉质唔会太淋，我自己认为系出色既。呢度添肉就要叫店员拎肉俾你，要几多碟都得，食完店员亦好快会收左D食完既碟，唔会阻住晒D位。
讲返配菜方面，出面有个好大既自助沙律吧，蔬果新鲜选择多，亦有不同丸物可以拣，都非常之唔错。调味料方面都有D特别既地方，有不同风味既豉油同酱料可以选择，唔怕麻烦可以走多两转，试下配不同口味。
饮品同埋甜品方面都系自助形式既，冻饮品就喺雪柜自己拎，有糖冇糖选择都有。想饮热饮可以自己冲杯热茶，亦有几款不同茶可以选择。甜品就有两边雪柜，一边就有D布丁，紫薯呢类既手工甜品，另一个就系雪糕柜，有几款雪糕同雪条俾你拣，选择算好多喇。
总括而言，我认为锅处真系一间高质火锅放题，性价比高，值得推荐。
张贴
