一喜‧涮涮鍋

营业中

休息中

今日二人晚餐去食火锅放题，呢间餐厅装修清新，座位宽敞又舒服。蔬菜、酱油、粉面、肉丸类等食物全部以自助形式供应。绿叶蔬菜例如油麦菜、唐生菜、椰菜等等，全部都好新鲜，已经放好一杯一杯，卖相好靓，而且好卫生。另外仲有南瓜、金菇、粟米等等，一盘盘自己夹。一人一锅，任食火锅，可以自选汤底，拣咗店舖推介嘅「椰子鸡汤」汤底，奶白色嘅汤底，入面已经有嫩滑嘅鸡肉同埋椰子切片，汤底好浓椰子味，好特别。呢个任食放题套餐包括有几款优质牛肉可以选择，包括「澳洲安格斯牛板腱」、「特选美国choice牛肩肉」、「极品美国cap牛肩胛肉」，三款牛肉都好鲜嫩、香滑、牛肉味浓郁、容易入口。除咗牛之外，仲有猪肉同埋鸡肉可以选择。另外仲有几款海鲜，例如有鲜海虾、帆立贝、墨鱼仔、广岛蚝等等，全部都好新鲜。食物即叫即上，侍应好快手，服务质素非常高。下次一定再来帮衬。