影片
更多
2022-05-17
392 浏览
高质火锅遇上超抵啤酒优惠无啦啦又冻返，即系代表又要打边炉啦。朋友话要去呢一间试，因为佢依家都做紧$100有100支德国啤酒嘅优惠，真系够晒震撼。今晚都叫咗好多样嘢，包括首设本地牛颈脊、象拔蚌刺身、圣子、鲍鱼、鳝片、羊肉、韭菜饺、水饺同埋牛白肉，非常丰富。首先想讲一讲佢个$100一百支德国啤酒优惠，原来唔系要一次过饮晒(讲真一次过点饮得晒)，佢系开plan起计两个月内饮晒就OK，最正就系可以叫friend嚟讲自己个电话号码就可以照用呢个啤酒plan，佢仲有八款啤酒任拣，超抵玩。我哋今晚都算劲，饮咗17支，有相为证。跟住要讲啲食物，首先叫咗炸鱼片头、紫菜炸响铃同埋争午餐肉作餐前小食，鱼片头就间中都会食到，不过个咋午餐肉就比较少见啲，两样味道都唔错，用嚟𩠌酒一流。跟住上枱嘅系象拔蚌刺身，条象拔蚌好新鲜好爽口。碟牛颈脊都好靓，牛味浓兼有啲𡁻口，脂肪分怖都唔错，好食。牛白肉师傅切得够薄，焯一焯就食得，爽口好食。羊肉一啲都唔膻，不过好似刨得厚咗少少，所以一唔小心渌耐咗就有少少韧。鳝片好新鲜，唔系啲千年雪藏货。侍应提我哋个圣子水滚落渌10秒左右就食得，我哋跟足指示做，真系啱啱熟，鲜味得来够爽够弹牙兼
无啦啦又冻返，即系代表又要打边炉啦。朋友话要去呢一间试，因为佢依家都做紧$100有100支德国啤酒嘅优惠，真系够晒震撼。
今晚都叫咗好多样嘢，包括首设本地牛颈脊、象拔蚌刺身、圣子、鲍鱼、鳝片、羊肉、韭菜饺、水饺同埋牛白肉，非常丰富。
首先想讲一讲佢个$100一百支德国啤酒优惠，原来唔系要一次过饮晒(讲真一次过点饮得晒)，佢系开plan起计两个月内饮晒就OK，最正就系可以叫friend嚟讲自己个电话号码就可以照用呢个啤酒plan，佢仲有八款啤酒任拣，超抵玩。我哋今晚都算劲，饮咗17支，有相为证。
跟住要讲啲食物，首先叫咗炸鱼片头、紫菜炸响铃同埋争午餐肉作餐前小食，鱼片头就间中都会食到，不过个咋午餐肉就比较少见啲，两样味道都唔错，用嚟𩠌酒一流。
跟住上枱嘅系象拔蚌刺身，条象拔蚌好新鲜好爽口。
碟牛颈脊都好靓，牛味浓兼有啲𡁻口，脂肪分怖都唔错，好食。
牛白肉师傅切得够薄，焯一焯就食得，爽口好食。
羊肉一啲都唔膻，不过好似刨得厚咗少少，所以一唔小心渌耐咗就有少少韧。
鳝片好新鲜，唔系啲千年雪藏货。
侍应提我哋个圣子水滚落渌10秒左右就食得，我哋跟足指示做，真系啱啱熟，鲜味得来够爽够弹牙兼唔韧。
个鲍鱼好好食，好新鲜好弹牙，而且冇缩细，应该质素唔错。
韭菜饺同埋水饺系自家制嘅，馅料捞得好食。
张贴
