滾火鍋 (已結業)

同呀哥行完黄金想打边边，上Openrice揾到滚火锅就食下啦。餐厅装潢新净，虽然满座但环境都算宁静。够晒光猛。无一般火锅店一大阵嘅油烟味。一坐低侍应就俾左一细杯酸梅汤，几酸甜开胃。点了以下:汤底点了芽菜豆腐清汤底。芽菜几靓，渌左大半个钟都仲好爽脆，几新鲜。本地手切牛肉色泽鲜红，新鲜嫩甜，渌2下即刻捞起就食得，肉味好重。手包韮菜饺饺子几大只，皮唔算薄，但系略厚嘅饺皮够腍清有口感。韮菜同猪肉分布平均，唔会菜多肉少。整整食物质素唔错，只系响深水埔区域唔算便宜。不过座位好舒适，环境又宁愿，通风都好好，适合三五之己谈心。另外，我发现佢个火锅煲用紧孖人牌成千几蚊一只。用高质靓煲打边边都特别干净卫生。