雲長小龍坎老火鍋 (已結業)

今晚一行三人大吃一餐，我地好钟意食麻辣火锅，所以成日周围去试唔同既麻辣火锅餐厅，而本人较喜欢四川既麻辣火锅，好似比较精致同埋味道无咁抢。 云长系食四川麻辣火锅，佢有唔辣既汤底选择，而我地因为系嗜辣既朋友，所以叫左麻辣同芫茜皮蛋汤底，由于第一次食，唔敢去到咁尽，所以叫左中辣，中辣真系有辣味，但又未至于好辣，下次可以叫大辣。 由于谂住大食一餐，所以三条友叫左好多野食，最深刻系牛腩、极品手切肥牛、竹蔗茅根水同埋佢个麻酱。牛腩好有牛味，佢本身已熟，放落麻辣汤底煮一阵就食得，好好味，手切牛好多雪花，好食但牛味还是牛腩强啲，而佢既花生酱令我十分惊喜，多年前系北京鼎鼎香食火锅，佢既麻酱点牛肉一流，好香好浓，但香港啲麻辣火锅店供应的麻酱好一般，所以一直好期待可以食番鼎鼎香既麻酱，点知可以系云长揾到，好开心😃而佢既竹蔗茅根水甜度啱啱好，又足料，赞！反而佢个即叫即炸的响铃我觉得太油，其他各样食物都好有水准。只系佢个通风麻麻地，食到9点时，个空气好浑浊，加埋啲麻辣味，令到我地个个都浊到咳左几声。