淘園火鍋館

营业中

休息中

 冬天火锅瘾大起，约埋屋企人围炉取暖，烚下烚下。朋友介绍我嚟到位于佐敦伟晴街嘅淘园火锅店，呢度坐位阔落，而且食物质素唔错，食得开心。锅底选择好多，我哋拣咗清新健康嘅蕃茄大眼鸡，因为最近食得多油腻嘢，想清清地，鱼汤又够鲜甜。配料拣咗本地新鲜手切肥牛，果然唔同啲，牛肉味爆灯，肉质又够嫩滑，回味无穷。鳝片肉质肥美，好新鲜，令人忍不住一片接一片甘食。小食叫咗姜葱捞鱼皮，呢味菜式系香港餐厅已经好少机会食到，好耐冇食过，终于畀我揾到，鱼皮爽脆，姜葱调味够晒香。