Sodam Chicken (已結業)

最近想食炸鸡，系开饭网揾到一间有炸鸡同pizza放题，睇落好似唔错咁，就即刻系开饭book埋位去试吓。餐厅位于铜锣湾耀华街，喺铜锣湾时代广场行过去都好近，都好易揾。店里冷气够晒凉，好舒服，啱晒怕热嘅我，坐坐吓仲开始觉得冻添😂。这间炸鸡店系放题形式，限时90分钟。有炸鸡丶焗鸡丶Pizza、小食都可以任食，酒精/冇酒精饮品就要另外收费(做紧买一送一)，无论大人/小朋友都啱食。小食方面，韩式辣味海哲(微辣)真系好好食，自己叫咗几round , 推介。呢度所有嘅炸鸡嘅皮都炸得好脆，肉质嫩滑，好鬼juicy 。唔钟意炸嘅亦可以选择焗鸡，肉质同样嫩滑juicy，有好多味道可以选择，有辣有唔辣，梗有一款啱大家，我试咗几款都已经饱咗，唯有下次再试埋其他几款啦。饮品都有唔少选择，我点咗菊花蜜特饮、蜜桃特饮，两杯饮品都大杯味道都唔错，特别系杯菊花蜜，好香嘅菊花味😍😍整体唔错呀，下次想食鸡都会再返嚟食。