鳴橋燒肉料理 (已結業)

朋友生日，约食烤肉放题，作为食肉兽既我当然拍手叫好啦！约咗8:30pm，见未齐人就划下叫餐纸先！同一般放题一样，分类点餐，除咗肉类，仲有刺身、自家制凉茶同是日甜品选择，种类都几多。因为有人迟到，所以叫咗刺身食住等。刺身非常新鲜，值得一提嘅系北寄贝非常鲜甜，食完要即刻再order！肉类方面，肉质鲜嫩多汁，质素好高，不知不觉就食咗好多，特别系牛舌，reorder 咗三次!仲有羊架、一口和牛、龙利柳同多春鱼都非常美味！估唔到仲有天妇罗，南瓜，番薯，唔会炸到好油腻，唔错唔错！甜品方面，有一口雪米糍(香芋头)、抹茶或芝麻味雪糕，同精选自家制甜品选择，问店员今日精选甜品有乜嘢，佢话一口芝士蛋糕，出于好奇我哋都叫咗试吓，估唔到都几好味，芝士味唔算太浓，所以唔会话好”溜”，size细细，就算已经食肉食到好饱，依然可以食得晒！二百几蚊一位真系非常抵食，对我哋呢班大食友嚟讲， 90分钟真系唔多够😂！