珺

营业中

休息中

珺系一间无五辛、无蛋奶嘅素食餐厅，之前黎过high tea，今次就试下佢嘅午市套餐。店员服务态度好好，因为家人唔食得辣，而我又冇留意到宫保金皮酥系辣嘅，其中一位店员知道后好好咁帮我哋换成唔辣嘅姜米橄榄油西兰花苗。商务二人套餐 ($398)头盘华尔道夫沙律酱汁类似日式芝麻酱，配料有西芹、苹果粒、合桃、提子干、车厘茄。汤野姜甘笋汤味道酸酸哋，姜味唔重。百合洋薏米素汤汤底嘅味道似平时饮嘅粟米豆腐羹，几好饮。主菜玫瑰叉烧口感好香脆，就算放凉咗仍然保持脆度，食落甜甜哋，似蜜糖嘅甜。姜米橄榄油西兰花苗宫保金皮酥初头以为系酥皮整成嘅小食，点知原来系类似煎素鱿鱼嘅菜式，口感有少少爽。法式红汁杏鲍菇笔尖意粉番茄酱汁好好食，酸酸甜甜，质感creamy，配料有粟米、椰菜、青豆粒、杏鲍菇等。