媽咪隨意屋 (已結業)

今日系元州商场，经过妈咪随意屋见到个店员好热情咁介绍餐单，所以就试下啦! 🤣因为阿妹唔系好肚饿，所以我地就嗌左鲜肉船粉（牛）套餐配泰式冻奶茶、沙爹串烧鸡、鸡软骨同菠萝蝶豆花。鲜肉船粉（牛）好足料！除左有牛肉片之外，仲有好弹牙嘅肉丸同炸猪皮最正嘅就系面头有唔少九层塔！（个人超钟意食九层塔😍）啲粉嘅份量都唔少，唔会食几啖就无晒粉。我亦好钟意粉嘅质地，啱啱好，有咬口。而汤嘅味道就似越南汤河，所以钟意食越南粉嘅一定会觉得唔错。泰式奶茶系店员推介。一开始有啲惊会好甜，但饮落完全唔系平时泰式奶茶𠮶只死甜。好正！🤩如果想挑战泰式奶茶，又唔钟意饮咁甜，绝对可以一试。鸡软骨份量超多！不停食都仲有咁。炸得好脆，又唔会净系食到层炸粉，好有咬口！大推！！！⭐️⭐️⭐️⭐️⭐️沙爹串烧鸡肉制超滑！听老板娘介绍试下唔点汁食， 啲鸡肉都好够味。咁当然钟意浓味啲，点汁食就仲惹味。菠萝蝶豆花个渐层好靓，岩晒打卡。（老板娘话绝无色素添加，所以可以放心饮）饮落好清爽，似柠檬梳打，有菠萝粒就更添口感，夏天就最啱饮。😋仲有就系依间店嘅食物系唔落味精，所以唔会有食完好口渴嘅问题。下次再经过一定会试埋热门嘅海南鸡饭！