樓下冰室 (已結業)

今日又去咗荃湾觅食，嚟到呢一间都几多人排队嘅楼下冰室，佢标榜佢嘅招牌就系佢嘅番茄通同埋佢最出名嘅瑞士鸡髀，于是我就事不宜迟咁入咗去试吓佢哋嘅招牌先我叫咗一个番茄浓汤通粉，然后就配左佢最出名嘅瑞士鸡髀！然后我朋友就叫咗咖喱牛腩饭，再叫多咗一个焗芝士肉酱薯角既小食！饮品方面我哋就叫咗都系上网好多人推荐嘅华田脆脆先讲咗佢哋嘅招牌番茄浓汤通粉，果然名不虚传！个汤底超级浓郁，番茄味极重，唔会好似出面普通茶餐厅咁样普通嘅汤水配少少蕃茄蓉咁样！相反每食一啖通粉里面都吸晒蕃茄蓉！而且佢嘅蕃茄通再配上牛乳炒蛋，个炒蛋都真心好滑，令左成个通粉加分不少！另外个瑞士鸡髀果然值得推荐，鸡肉超级滑，一啲都唔会谐霎霎，而且佢嘅瑞士汁唔会好咸！不过我发现原来身边嘅人好多都有叫佢哋嘅瑞士鸡翼，相信两款都唔错！另外我朋友嘅咖喱牛腩饭亦都好高质，除咗牛腩份量好多之余，佢嘅咖喱汁超级多，配埋个白饭食简直一流！个小食焗芝士肉酱薯角系必要，虽然净系食佢有少少咸，但系佢嘅芝士同肉酱都超级足料，个底有少少焗焦咗嘅香味，反而更加正，不过啱啱上枱嘅时候真系好热，大家要小心！饮品方便佢个杯华田脆脆亦都系好唔错，饮落去真系透心凉，而且配埋其