Associazione Chianti

营业中

休息中

男朋友生日，再加上佢又钟意食牛肉，于是就卜左间靓靓仔仔嘅西餐同佢庆祝生日！环境好靓又静静地，岩晒庆祝饭局。呢到出名系食熟成牛扒，差唔多每一枱都会叫。佢比较出名嘅系T bone 扒，但因为我地见到隔离枱嘅Tbone 都好大块，觉得会食唔晒，所以就叫左个西冷牛扒。另外仲叫左个手工意粉。因为个menu 系英文，所以我地其求叫左个有牛肉酱嘅意粉。意粉系粗意粉，非常挂汁，牛肉肉酱捞埋忌廉汁，非常好食！待应会先帮佢切好晒先上，所以基本上你可以就咁食。我地叫左medium, 切开系pink pink 色，劲好睇！牛扒外表应该系大火封煎，所众入面保留左好多肉汁得嚟，外面又有少少脆。不过其实佢份量都好够，加上少少油，食完都饱了最报甜品叫左tiramisu. 呢个系我食过暂时最好食嘅tiramisu. 底下饼底吸满咖啡，咖啡浓得嚟又带有少少酒味，中间啲cream 好滑好香。同埋佢嘅份量都唔少，值得一试。