湯直送 (已結業)

抗疫期间成日食外卖，见天气冻冻地，同同事一齐叫咗呢个外卖炖汤，个套餐仲有跟一个饭，价钱都算几抵。夹够$500就免运费，早一日order拣定食乜嘢。我哋拣咗12:30至1pm送货，未够12点已经到达，啲汤同饭都热辣辣。个汤除咗有个盖之外，另外用保鲜纸再包左一层，确保冇咁容易漏。份量都几大，仲有汤料响入面。个饭就系迷你版，但叫呢个餐主力都系饮炖汤，所以个饭细细地都冇乜所谓。不过男士嘅话，就可能要加埋要大size嘅饭先够饱。我叫咗个杏汁炖猪肺加猪扒配炒洋葱饭。杏汁炖猪肺好足料，味道好好，好滋润，呢个价钱真系算好抵。洋葱猪扒饭都好够味，size比较啱女仔。总括嚟讲呢个价钱，呢个质素，仲要包埋运费，真系好正。返紧工都有得饮炖汤，好幸福呀！