炯記燒味 (坤成樓)

营业中

休息中

炯记出哂名烧味好食，即使唔堂食，得闲买下烧味外卖返屋企加𩠌都超正！今日经过见到炯记外卖烧味仲有优惠价！双拼加𩠌都大概只需百零蚊！十分抵食！于是二话不说就叫咗个外卖B餐，一百蚊左右，就已经有半斤脆皮烧腩仔+半只切鸡！切鸡拎到返屋企依然油花满布，鸡肉十分嫩滑，鸡皮略带啫喱状，即使食埋鸡皮却依然不感觉到油腻感。至于脆皮烧腩仔去到返屋企即刻食，虽然俾外卖返屋企，但外皮脆卜卜口感依旧能保持得好！烧腩仔肥瘦匀称，食落口依然能够好味得黎又唔会好大罪恶感。烧腩仔层次分明，一层脆皮一层肥肉一层瘦肉一层脂肪…口感丰富。最后百零蚊嘅外卖成功讨好我哋一家几口，个个都赞不绝口👍👍💖住附近嘅街坊，得闲经过炯记都可以加下𩠌🫣🫣😆😆