馬場洞烤肉專門店 (新城市廣場三期) (已結業)

去之前看了食评，竟然有差不多10个负评标题都系话食店服务差，外出用膳食物质素固然重要，但我都好怕服务唔好，平时如见到呢啲负评，我一定唔敢搏，但因为想不到喺呢个商场食乜好，所以胆粗粗照去。好彩我地冇遇到同类情况，大部分既店员都冇问题，冇黑面冇态度唔好，整体不错。讲番食物，我地点了牛肉套餐同猪肉套餐，前者可以跟一份炸鸡或生牛肉他他，我地就点左炸鸡；猪肉套餐就跟一份主食，我们选了辣海鲜豆腐锅。另外点了一客酱油蟹，见食评多人点药膳鲍鱼杂菌釡饭，所以又点一份，薯仔控既我追加一客薯仔煎饼。等左一阵两客烧肉套餐先上桌，卖相好得，看得出肉很新鲜，份量亦好够，比预期多。牛肉套餐中有一块系菲力牛扒，店员帮忙切开及稍为烧一下，再拿给我们自己烧，呢件菲力牛好正，松软、牛味浓，好好味。其余两款牛肉其中一款应是牛肋肉，另一款唔清楚，唔点酱料都好味。伴碟有鸡脾菇、冬菇及好鲜甜既菠萝，如果可单点菠萝我一定追加。猪肉套餐有两大件厚切五花腩(最爱)、油花均匀既猪颈肉及脢头肉，五花腩肥瘦相间，烧得香口一啲都唔腻，亦冇猪既臊味，好吃。其余两款猪肉就正常，伴碟只有冬菇及鸡脾菇。跟两个套餐既炸鸡同辣海鲜豆腐锅味道正常，胜在够热。