御石燒 (已結業)

旺角一向美食多，见到呢间卖点系即烧牛肉，于是同友人入左呢间试吓御烧特级牛小排石板烧上面有块脂肪，可以系石板涂上一层油，方便烧牛时免痴底。系红红烈火嘅石板放上牛小排，每边烧大概3分钟，油脂丰富，成个口腔都充满牛肉鲜味。再系白饭放上味素，连同牛肉送饭一流～溏心蛋煮得岩岩好，唔会太熟，蛋味十足！御烧极上级黑松露吉列牛牛嘅外围配有黑松露包住，咬落去好浓郁嘅黑松露味，而且带有浓浓嘅牛肉鲜味，好满足！店员仲好贴心，见到我地无晒火，仲会主动帮手加火，呢个举动值得一赞。最后，饮品方面叫左乌龙茶，可以中和一下之前嘅饱腻感，为呢餐画上完美句号！