影片
更多
2018-09-15
48 浏览
Weekend想食个丰富嘅lunch~黎左喺尖沙咀闹市嘅呢间伊贺日式烧肉放题。场内天花布置左好多传统日式灯，墙上有日本风格画作，感觉似怀旧居酒屋~气氛唔错。大部份都喺独立卡位，2个人坐得非常舒服，同隔离枱中间更有一块隔板，私隐度颇高~坐低，店员先细心介绍用平板落单方法。菜式选择多，用平板落单好方便，可以慢慢谂，又可以随时加单唔驶叫staff.烧肉放题竟然有刺身叫左北寄贝，甜虾，蟹棒，带子同荣螺刺身。全部都好新鲜！好有光泽！荣螺同北寄贝几爽口，甜虾同带子好鲜甜，好滑。蟹棒口感好好，唔会太淋。有我大爱嘅三文鱼子寿司！叫左2件三文鱼子加一件特级蟹盛军舰寿司。三文鱼子子好大粒卜卜脆。海鲜军舰上面铺满左蟹肉，好有满足感呀！最紧要紫菜仲系脆嘅，系寿司师傅新鲜整出嚟。烧肉有好多款式叫左牛舌，带骨牛助肉，日式五花叉烧同埋伊贺一口牛。牛舌几厚身, 咬落爽口, 口感唔错。牛肋肉布满雪花, 食落阵阵油脂香味五花叉烧喺预先用日式酱汁腌制，好入味。一口牛烧完好方便食，一啖一粒好过瘾~第二轮叫左黑椒牛仔骨，比利时五花肉，红酒洋葱猪肉片，手切哈姆猪大肠。牛仔骨有浓厚黑椒味，唔驶点酱都好正。五花肉薄薄一片好快熟，烧到
场内天花布置左好多传统日式灯，墙上有日本风格画作，感觉似怀旧居酒屋~气氛唔错。
大部份都喺独立卡位，2个人坐得非常舒服，同隔离枱中间更有一块隔板，私隐度颇高~
坐低，店员先细心介绍用平板落单方法。菜式选择多，用平板落单好方便，可以慢慢谂，又可以随时加单唔驶叫staff.
烧肉放题竟然有刺身叫左北寄贝，甜虾，蟹棒，带子同荣螺刺身。全部都好新鲜！好有光泽！荣螺同北寄贝几爽口，甜虾同带子好鲜甜，好滑。
蟹棒口感好好，唔会太淋。
有我大爱嘅三文鱼子寿司！叫左2件三文鱼子加一件特级蟹盛军舰寿司。三文鱼子子好大粒卜卜脆。
海鲜军舰上面铺满左蟹肉，好有满足感呀！最紧要紫菜仲系脆嘅，系寿司师傅新鲜整出嚟。
烧肉有好多款式叫左牛舌，带骨牛助肉，日式五花叉烧同埋伊贺一口牛。牛舌几厚身, 咬落爽口, 口感唔错。牛肋肉布满雪花, 食落阵阵油脂香味五花叉烧喺预先用日式酱汁腌制，好入味。一口牛烧完好方便食，一啖一粒好过瘾~第二轮叫左黑椒牛仔骨，比利时五花肉，红酒洋葱猪肉片，手切哈姆猪大肠。牛仔骨有浓厚黑椒味，唔驶点酱都好正。五花肉薄薄一片好快熟，烧到两面都脆脆地咁好香。非常推介红酒洋葱猪肉片，淡淡红酒香，再配洋葱去腌简直系绝配~ 烧猪大肠好特别，几爽口。
除左肉类，仲有海鲜！虎虾够大只，肉质爽甜。青口好鲜甜够厚肉。另叫左少有嘅墨鱼咀，细细咁唔会韧，好食！墨鱼丸够弹牙，好贴心咁已经切开一半容易烧。
炸物方面好出色多春鱼咬落好脆，同海台味好夹，炸得啱啱好。酥炸杏鲍喺完全将啲汁锁晒喺入面，一啲都唔干 南瓜天妇罗炸粉几薄，南瓜炸得够淋我好中意~记得点埋天妇罗汁， 可以除去炸物油腻嘅感觉。
食得多肉，叫左啲蔬菜类中和下先。食左鸡脾菇，茄子, 菠萝同京葱~ 牛油金菇好得意，有个铝质嘅兜仔装住黎烧，有一片牛油喺入面，金菇吸晒啲牛油汁香到不得了呀~
野饮方面每罐另加$8, 有好多道地出品嘅特别口味试左蜜桃乌龙茶同菊花绿茶都几好味。另叫左极品乌龙茶呢度坐得舒服，一个价钱( $298 加一再有75折)， 集合左普通日式放题加烧肉放题嘅特式~ 值得推介~
张贴
