影片
更多
2020-11-23
5352 浏览
又嚟呢间烧肉食店啦! 第三次嚟食，因为真系高质啊~ 舖门外低调设计，门口入后经过走廊，见到啲间房。同同事两个人食，获安排卡位。骤眼望约坐到50人，装潢以黑色为主，开扬坐位，唔逼夹。午巿套餐都有近10款选择，嗜牛者望到都开心， 亦有豚肉及鸡提供。点咗一客A5黑毛和牛赤身同一客九州产鸡肉。落单无耐就送咗个饭SET。碟渍物有红萝卜、荳牙、莲藕片。三碟都腌到入晒味腍身，唔重酸味、少少甜味。抵赞莲藕每厚薄一样，腍得嚟仍然仲有啲爽口! 味噌汤重味噌味道，亦有好多葱花、昆布。不过偏咸味浓，𠮶碗并无豆皮、豆腐 (定本身系无?)沙律嘅拌汁系醋，整碟都好清新。生菜、菜丝都好爽口，亦唔会冻到啱啱喺雪柜拎出嚟咁。主角嚟啦! 牛肉嘅鲜红色配上白色脂肪，肥瘦适中，网状形态好靓! 片片厚薄均一之余亦都系有手只手掌咁大片，未烧已经滴口水啦! 用咗芝麻及秘制酱汁腌制，落铁板并无滋滋声，基本上两边各30秒左右已经熟。肉片因为猛火快烧逼出肉汁油份，成片牛配埋小小甜酱汁，酱汁并没呛咗肉嘅味道，放入口即溶嘅感觉，油同肉汁喺口腔入面回旋，轻咬几口再暖暖地吞落去，真系无得弹，越食越开胃 ! 碗饭系正常一碗份量，圆圆粒嘅越光米/珍珠
舖门外低调设计，门口入后经过走廊，见到啲间房。同同事两个人食，获安排卡位。骤眼望约坐到50人，装潢以黑色为主，开扬坐位，唔逼夹。
午巿套餐都有近10款选择，嗜牛者望到都开心， 亦有豚肉及鸡提供。点咗一客A5黑毛和牛赤身同一客九州产鸡肉。
落单无耐就送咗个饭SET。碟渍物有红萝卜、荳牙、莲藕片。三碟都腌到入晒味腍身，唔重酸味、少少甜味。抵赞莲藕每厚薄一样，腍得嚟仍然仲有啲爽口!
味噌汤重味噌味道，亦有好多葱花、昆布。不过偏咸味浓，𠮶碗并无豆皮、豆腐 (定本身系无?)
沙律嘅拌汁系醋，整碟都好清新。生菜、菜丝都好爽口，亦唔会冻到啱啱喺雪柜拎出嚟咁。
主角嚟啦! 牛肉嘅鲜红色配上白色脂肪，肥瘦适中，网状形态好靓! 片片厚薄均一之余亦都系有手只手掌咁大片，未烧已经滴口水啦! 用咗芝麻及秘制酱汁腌制，落铁板并无滋滋声，基本上两边各30秒左右已经熟。肉片因为猛火快烧逼出肉汁油份，成片牛配埋小小甜酱汁，酱汁并没呛咗肉嘅味道，放入口即溶嘅感觉，油同肉汁喺口腔入面回旋，轻咬几口再暖暖地吞落去，真系无得弹，越食越开胃 !
碗饭系正常一碗份量，圆圆粒嘅越光米/珍珠米，煲饭水份适中，饭粒粒粒分明有咬感，无变糊或过硬，仲要保留到米香味。
至于鸡肉望落去份量唔到多，但实际都有成10片架， 每片有1/3手掌相若大小。经秘制酱汁配芝麻腌过。比起牛肉，鸡肉烧嘅时间相对耐啲，两面都要一分钟左右多少少先熟。鸡肉入口鲜嫩，同样都锁到肉汁及油份，爽口的。不过相对牛肉，鸡油真系多咗少少。鸡皮系重点，烧到脆口微焦，入口"索索"，酥脆! 顺带一提，鸡肉沾酱汁会偏向浓味，盖过咗鸡肉嘅味，反而沾柠檬汁，感觉清新好多，去咗油腻感!
不过唔知系咪要赶住准备，侍应哥哥好快收走啲渍物碟，当然有礼貌地问你用餐完毕未先收啦。温馨提示记得订位准时到，WALK-IN真系无乜机会。
张贴
