牛魔 (已結業)

好耐冇食过烧肉，今日就特登揾咗呢间餐厅。平日晚市时段Full Booking, 质素应该唔错。餐厅安排我哋坐吧枱位置，感觉厨房环境整洁企理。梅酒蕃茄蕃茄鲜甜，又冰冰凉凉咁，作为开胃前菜感觉唔错。苹果木烟熏松露和牛他他将苹果丝、蛋黄放落和牛他他入面搅匀。有少少烟熏味，感觉似食紧生肉沙律。和牛肉质嫩滑，就算系生食，都唔会感觉好腥。芝士吉列鸟肶肉饭卷饭卷上面铺左一层芝士，食落几creamy。上面嘅三文鱼子有啲系落咗Wasabi腌嘅，感觉几特别。吉列鸡髀肉个炸粉唔会太厚，肉质嫩滑。香葱薄切牛舌店员有介绍每款肉要煎几耐。呢个薄切牛舌大概煎45秒就可以食，煎完牛舌仲好保留到佢嘅肉汁，点埋葱更加惹味。澳洲和牛牛板腱和牛油脂分布均匀，嫩滑有牛香，上面仲落咗少少蒜蓉，令到和牛更惹味。酱油鸟肶肉鸡髀肉已经用酱油腌好，两边煎到少少㶶咁食感觉更惹味。野菜组合好有秋天嘅特色。配上牛油，慢慢烤下好似系南瓜、翠玉瓜、番薯、粟米等嘅材料。唔使落调味已经好好食。