餃掂手工餃子雲吞專門店

如果放工想喺中环食返个饺子拉面， 呢间<饺掂>确系吾错，饺子只只都够大只，而且每一只都包住好多新鲜嘅馅料，鲜味好食。<重庆鲜肉云吞走辣 $44/12只>重庆云吞入面用咗新鲜猪肉馅料，云吞皮非常之滑。<香煎软心芝士饺 $69/10只>芝士饺子非常之大只，而且煎得好香，个底够脆，入面嘅馅料非常之多，有粟米、芝士、同埋猪肉，咬落去热辣辣，入面嘅芝士半溶状态，流心芝士非常好食。另外叫咗两碗拉面，一碗配云耳椰菜猪肉饺，另外一碗配粟米猪肉饺，面嘅份量非常之多，拉面入口软身而弹牙，上汤饺子新鲜大只，饀料份量多，高质好食。饮品我哋叫咗一杯山楂雪梨水，山楂同雪梨嘅味道都非常之突出，而且口感浓郁，值得推荐！！整体来讲，我都觉得喺中环食到呢一间饺子店，无论饺子同拉面都做得非常出色，而且价格唔贵，其实呢间小店人客都几多，建议早点来，就唔使等位喇！！～