影片
更多
2021-05-27
66 浏览
知道将军澳有可以食到片皮鸭嘅餐厅，所以特登去试吓。片皮鸭分为半牌和例牌，一场嚟到梗系试个例牌满足啲啦！京沪酥香烤鸭 例牌$368 (包8款配料)呢度嘅片皮鸭切法系皮肉分离，外皮又薄又松脆，油脂酥香，一啲肥膏都冇，鸭肉肉质嫩滑有肉味。最抵赞系佢哋嘅饼皮，每一块都有张纸隔开，唔会黐住晒好难搣开，饼皮薄薄的食落烟韧。平时食片皮鸭多数只配青瓜、京葱、填鸭酱之类，呢度就有成8款配料，分别系青瓜、京葱、哈密瓜、心内美、山楂糕、蒜蓉、白糖及填鸭酱。片皮鸭配上自己钟意嘅配料及饼皮同吃，滋味丰富，食完超级满足！不过佢哋啲配料酱料份量唔多够，本来想添加填鸭酱但要收费，呢点就唔够大方喇！总括而言：喺香港食过几间片皮鸭都普普通通，呢间真系算几高水准，近近地将军澳人可以试吓！
知道将军澳有可以食到片皮鸭嘅餐厅，所以特登去试吓。片皮鸭分为半牌和例牌，一场嚟到梗系试个例牌满足啲啦！
京沪酥香烤鸭 例牌$368 (包8款配料)
呢度嘅片皮鸭切法系皮肉分离，外皮又薄又松脆，油脂酥香，一啲肥膏都冇，鸭肉肉质嫩滑有肉味。最抵赞系佢哋嘅饼皮，每一块都有张纸隔开，唔会黐住晒好难搣开，饼皮薄薄的食落烟韧。平时食片皮鸭多数只配青瓜、京葱、填鸭酱之类，呢度就有成8款配料，分别系青瓜、京葱、哈密瓜、心内美、山楂糕、蒜蓉、白糖及填鸭酱。片皮鸭配上自己钟意嘅配料及饼皮同吃，滋味丰富，食完超级满足！
不过佢哋啲配料酱料份量唔多够，本来想添加填鸭酱但要收费，呢点就唔够大方喇！
总括而言：喺香港食过几间片皮鸭都普普通通，呢间真系算几高水准，近近地将军澳人可以试吓！
张贴
