霸王川莊 (iSQUARE國際廣場)

营业中

休息中

迟来的生日饭聚，朋友拣咗这间并预先订定一只片皮鸭。一坐低就见到一杯杯八宝茶，打开茶盖闻到香香的炒米味，焗一阵饮落去都几舒服。片皮鸭比想像中快上，卖相超靓。一份有24块，每一块都片得好均匀，手工一流！皮脆肉嫩，加埋酱料配料同饼皮，好有满足感，连续食上三块至肯食其他嘢。点咗一份例牌酸菜鱼，要咗唔辣。餐牌写2至3位用指的应该系鱼片数量，因为汤同薯粉其实超大份食唔晒；鱼片鲜嫩好味。汤底我觉得有一点点比想像中咸不过朋友就个个赞。另外仲有一碟百合炒莴笋，清清地。餐厅在高层可以见到维港，到8点仲睇埋幻彩咏香江。不得不赞系服务，有位男侍应好有耐性又有礼貌，最后仲帮我地影咗几张超靓海景背景的合照！临尾拎埋只鸭身走，其实好大只剩好多肉，朋友拎回家煲粥。