Steak Bar (已搬遷) 新店位置

Happy Friday 又去咗中环兰桂芳，除咗饮野，都想食餐好既～ 今次试下Steak Bar~ 位置方便，店舖虽小，但人流好多，大部份人都有book位，而我哋因为早去到，所以先咁岩有位，我哋比安排坐系高枱，虽然有少少窄，不过个人觉得都唔错，店员好细心咁解释店舖菜式，我哋一人叫咗一个dinner set，包括前菜、沙律及饭～ 顶级板腱牛扒 $215系每日限定的，卖相都唔错，牛扒好厚，好大件，切开系见到粉红色嘅肉，亦有肉汁，好鲜嫩，肉质好腍，牛味香浓，第一次食板腱牛扒，觉得非常唔错👍🏻吉列炸牛扒 $188卖相好好，系店舖嘅招牌菜式，好多人都叫呢款，而且价钱亦唔贵，牛扒外面系吉列方式炸，里面仍然保持鲜嫩，只有两三成熟，所以另外准备了铁板，可以烧至自己喜欢嘅程度，然后先食，又会更加热同香，唔错👍🏻