海街丼 (E-Max) (已結業)

最近放工想快快食个dinner但又唔想求其食，就去左附近Emax既【海街丼】。餐厅装修好日式居酒屋，几好feel。我就叫左酱汁吞拿鱼丼、凉拌菠菜同唐扬炸鸡。 酱汁吞拿鱼丼：包括酱汁吞拿鱼、吞拿鱼蓉同三文鱼籽，另外会附上高汤、醋啫喱、药味佐料。鱼生分量算好多，酱汁吞拿鱼调味唔会太浓、酱汁好特别。吞拿鱼蓉软软糯糯、好鲜味，而三文鱼籽咸咸香香。食到差不多可以加高汤做茶渍饭，加入药味佐料，又可以食出例外一个味道。醋啫喱要配埋鱼类，如果加入茶渍饭会太酸。 凉拌菠菜：个人觉得逊色少少，菠菜比较老，调味唔算好特别。 唐扬炸鸡：超级无敌推！！新鲜炸起，非常热辣辣、外脆内嫩，好juicy、鸡肉好嫩！本身鸡肉调味岩岩好，而且有柚子味！好特别！