CHiLL-i (已結業)

叫左一个lunch set ，包main course，沙律或者餐汤，一杯野饮。餐汤系蕃茄洋葱汤。完全唔系罐头，饮得出佢系焗左啲蕃茄之后再打成茸，饮嘅时候会食到蕃茄。蕃茄汤唔会好酸，饮到佢打成茸嘅时候加埋焗左嘅洋葱。所以饮落去酸酸甜甜。香煎千层安格斯牛小排，薯仔沙律，杏鲍菇，黑茵汁$158 牛小排煎得啱啱好好，所以食落去唔韧。而且肉质好嫩，有油花，又冇根。加埋黑茵汁同时间食到牛肉嘅香味同埋黑茵嘅香味。加埋炸左丝嘅牛蒡一齐食就同时食到丰富嘅口感同埋香味。佢叫做千层安格斯牛小排因为佢将6-8块牛小排搭埋一齐。旁边嘅杏鲍菇煎得好靓，个面好平均咁样上咗金黄色。同埋煎完之后仲保留咗菇嘅水份同鲜甜味。薯仔沙律好refreshing ，薯蓉里面会有薯仔粒，紫洋葱粒同埋青瓜粒，而且薯蓉打得好滑。薯仔沙律同黑茵汁好配，黑茵汁令到个set 好有香味，而沙律balance 左成个餐。叫左杯玫瑰花鲜奶咖啡。佢杯latte 好香玫瑰味，有好绵密嘅foam。食完lunch 饮返一杯latte 好满足。