Aldou Cafe (已易手) 新餐厅

今日因为系放假日所以谂住入元朗扫嘢食，有个地胆朋友之前食过一间cafe系好推介，环境好靓又够舒服 食物又有水准，所以今日我入到嚟佢都带咗我去食。白酒忌廉煮青口 忌廉汁有微微酒香，食落好creamy唔会好流，青口肉好鲜甜唔霉烂，同忌廉汁好夹。巴马火腿牛肝菌意粉 意粉煮得岩岩好有咬口 唔会淋晒，酱汁带有牛肝菌独特既味道，配搭巴马火腿既咸香，食落又香又浓郁。猪肋骨芝士酱 薯条炸得好香脆，外脆内充满绵密既薯蓉，猪肋骨肉软嫩应该有加上BBQ酱(?)，食落带甜味 加上拉丝既芝士，一流呀。