Chez Shibata (已結業)

经常喺港岛区嘅我最近又发现多一间唔错既甜品店。成间店舖嘅装潢行时尚品味路线，湖水绿同木色配搭得非常好，望落去令人感觉好舒服。加上好多花艺装饰即刻增添一点梦幻感觉。讲番甜品先，有好多款甜品选择，每一款望落已经好精致，睇落每款都好好食，真系唔知点拣好。最后好艰辛先拣咗三款。小红帽樱桃酒朱古力蛋糕外型好cute呀，上面有块红色朱古力，真系有啲似小红帽哈哈哈。中间嘅朱古力蛋糕里面融合左樱桃酒，不过就冇咩酒味，主要系食到樱桃淡淡的酸甜味，适当地中和左朱古力嘅甜味。心形野莓蛋糕名副其实系一个心形，旁边摆咗几粒野莓，食落都系酸酸甜甜唔会觉得好腻，中间仲有一层好似啫喱状既moses。加埋个earl grey tea解下腻，环境又舒服，真系可以坐一个下午。