令酒場 (已結業)

🫰🏻日本生蚝日本既生蚝真系唔同啲，又大只又肥美，海水味唔重，反而好creamy，好香甜，好滑身，仲有啲明太子系度点缀，真系好出色呀！🤞🏻烧免治鸡肉棒(月见)免治鸡肉棒做得好好，鸡肉肉质好腍，口感好好，鸡棒本身已经烧到焦香，再点埋有流心蛋既酱油，味道更浓香，唔会太咸，岩岩好！✌🏻串烧我地试佐芫荽豚肉卷，露笋豚肉卷，鸡皮同鸡全翼，芫荽豚肉卷味道好浓，劲重芫荽味，串烧入面包住满满既芫茜，好丰富；露笋豚肉卷同样有肉质好好既豚肉，烧得焦香无比，入面既露荀都只系岩岩熟，好嫩，成个配搭都好好；鸡皮道烧到劲脆卜卜，脆到好似食紧薯片咁，又唔会油林林；鸡全翼就够晒大只，皮脆肉嫩，好味呀！🤟🏻椒盐左口鱼边一个整得好好既左口鱼裙边呀，裙边好嫩好滑，表面充满椒盐非常之香，惹味无比呀！