Chez Shibata (已結業)

今日同朋友去左中环行街，系士丹利街见到有间餐厅，有主食、蛋糕、咖啡，就同朋友入去坐低hea下。我地2 个叫左2件蛋糕，草莓忌廉挞$40同伯爵茶朱古力蛋糕$38。草莓忌廉挞系用100%北海道忌廉，开头以为会好漏，原来除左顶的忌廉，里面就好少忌廉，有好多士多啤梨，酸酸甜甜好开胃，另外饼底好脆好香牛油味。伯爵茶朱古力蛋糕一层层，伯爵茶味道好浓，同朱古力好夹，中和左朱古力甜度，两款都系好高质的蛋糕。凡惠购任何食品，即可加配menu上的一款饮品，我朋友就叫左杯手调特饮热泡沫咖啡，加$18，都好抵的，蛋糕加咖啡，加上优美的环境，好写意的下午茶。