forte (已結業)

话说隔离枱成十几人都几嘈，店员主动提出帮我们调位，真系好细心，服务值五星级数。海鲜拼盘及刺身都系一次性，海鲜有六款，醉鲍鱼有淡淡酒香又腍，长脚蟹海水味唔够浓，虾肉好新鲜弹牙。刺身都好高质，鲜甜鱼香。沙律比平时西餐厅的套餐大碟，沙律清新好味。雪梨汤清甜润喉，完全零味精。只可以食一次的宫崎A4和牛西冷，西冷牛味浓郁，但旁边较多油膏，而两面煎得香口，中间充满油份，果然系和牛级数，不过就系比较腻，唔可以多食。任食的澳洲T骨扒，肉质当然不及A4，但质质都唔错，有肉香又腍滑。另外还试了肉眼扒，同T骨扒差唔多，都好有肉味。任食炸脆粗薯。甜品就有两件蛋糕及几片生果，砌得都几靓。