Chef's Stage Kitchen (愉景新城) (已結業)

今日行开愉景新城，发现咗呢一间系OpenRice有好多好评嘅餐厅，一于入去试吓呢一间餐厅有几好食啦。大概6:30去到，已经坐到好多人，餐厅嘅座位都好阔落，坐得好舒服，今次就叫咗几样嘢食，同埋两样嘢饮试吓，一于睇吓食咗啲乜嘢啦。呢一个系餐前送嘅面包同埋脆饼，配埋𠮶张嚟食好夹，面包嘅松软程度好好，作为第一样食物来讲都算好高质。第一个头盘系叫咗呢一个生牛肉他他配蒜蓉包，生牛肉个质量好高，食落去一啲都唔烟韧，牛肉嘅味道好香，蒜蓉包落咗少少盐，所以好带得出个牛肉嘅鲜味。第二个就叫咗呢一个蟹膏蟹肉意大利饭，哗，呢一个真系好好食，因为平时食嘅意大利饭好硬，但系呢一个意大利饭每一啖都有好多汁，软硬程度适中，蟹膏同蟹肉嘅鲜味都好出，真系一定要试呢一个。第三个主菜就系呢一个鲈鱼，讲真个肉质都唔错，但系个味道就麻麻地，可能会下次想试吓个牛扒多啲。最后呢两个特饮都几好饮，个抹茶系沙冰嚟嘅，如果奶茶有啲咖啡味都几特别。