紅橋 (已結業)

系旺角OT完，梗系要揾好野食医番个肚啦。途经西洋菜南街，见到一间食fusion菜既餐厅 (红桥)出面人头涌涌咁等紧位，好奇心驱使之下就去试下。佢有唔同种类既食物供应，有餐前小食如春卷，鸡翼，薯角等，另外仲会有唔同种类既沙律。主食就会有三文鱼扒，安格斯肉眼牛扒，芝士焗波士顿龙虾等。如果呢啲唔啱都仲可以选择焗饭，意粉，甚至有马来西亚式既食物如海南鸡饭或者咖哩等等。咁我就叫左南瓜忌廉汁烩意大利饭配粗露荀及火烫北海道带子 (HKD 88)，要左中汤 (加HKD 12)，转红豆冰 (加HKD 6)。小食就叫左紫苏叶虾春卷 (4条，HKD 48) 。先黎既系中汤栗米红萝卜猪肉汤，火喉唔错，用料几足，唔会好咸。跟住黎既就系个南瓜意大利饭，有粗露荀同野菌。上碟既时候已经闻到浓郁既忌廉味，只带子表面系用火烫过既，整体卖相唔错。 食落去既时候，食到南瓜味，带子肉质鲜甜，意大利饭既湿度掌握得啱啱好。 跟住黎既就系个春卷(有4条)，炸得几香脆，内面系用紫苏叶围住既大虾，食落去唔油腻。另外，可以点沙律酱，口感可以更加丰富。至于个红豆冰，有好多好大粒既红豆。佢个个冰超大，饮落去觉得好香好滑，正。