順興茶餐廳

营业中

休息中

一直都知大坑嘅顺兴车仔面大牌档出名食滑蛋饭，一直都想试，可惜佢嘅营业时间系朝早到下午四点，冇做晚市，一直都就唔到时间，今日终于早放，有机会食！我哋大约一点到，都多人排，要等约二十分钟到。滑蛋饭可配唔同𩠌，如叉烧，虾同猪排，我今次就试咗滑蛋叉烧饭。个饭一上枱，就知有惊喜，因为见到啲蛋浆未完全熟晒，仲有少少蛋液，系真正嘅滑蛋！金黄色嘅蛋，加埋粉红叉烧，配上绿色葱花，净系颜色嘅配搭已经令人食指大动！终于淋上甜豉油，食第一啖饭，果然冇令人失望！蛋超滑，叉烧又肥瘦得宜，配埋甜甜嘅豉油真系好满足！如果每日都可以食呢个碟头饭就好啦！如果有机会早放一定会再嚟食！下次想试埋滑蛋虾仁或者猪扒饭。