影片
更多
2022-07-10
56 浏览
📌 Le Chefeteria📍 铜锣湾新会道4号4楼☎️ 93286390★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*`无得去旅行又洗乜愁，啱啱食咗间做fine dining 嘅餐厅，意法tasting menu，颜色、香味、每道菜嘅presentation ， 用餐体验都令食客好似搭头等飞咗转峇里岛咁。餐厅位于铜锣湾一栋唐楼楼上。老实讲门面真系毫不起眼，好容易被忽略。但食完会觉得呢间真系隐世餐厅，亦好幸运自己竟然有缘遇上。 餐厅开业数月，属太子饼店旗下餐厅。餐厅强调食材全有机，天然无味精，无基因改造。一点一滴都系自家制。由内到外睇得出佢嘅用心。꧁ Bali Holiday Tasting Menu ꧂ 🏝Amuse-bouche: ceviche（开胃小吃：酸橘汁腌鱼）上面用上tomato，zucchini 同eggplant，以南法普罗旺斯炖菜嘅煮法，blend 埋成一个浓缩精华，中间嘅鲈鱼用柠檬皮肉同汁经过12小时腌制，让鱼肉呈半透明，口感嫩滑。最底系自制嘅Roti ，口感香脆。一口食落去，为接下来嘅Fine Dinin
📍 铜锣湾新会道4号4楼
☎️ 93286390
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*`
无得去旅行又洗乜愁，啱啱食咗间做fine dining 嘅餐厅，意法tasting menu，颜色、香味、每道菜嘅presentation ， 用餐体验都令食客好似搭头等飞咗转峇里岛咁。
餐厅位于铜锣湾一栋唐楼楼上。老实讲门面真系毫不起眼，好容易被忽略。但食完会觉得呢间真系隐世餐厅，亦好幸运自己竟然有缘遇上。
餐厅开业数月，属太子饼店旗下餐厅。餐厅强调食材全有机，天然无味精，无基因改造。一点一滴都系自家制。由内到外睇得出佢嘅用心。
꧁ Bali Holiday Tasting Menu ꧂
🏝Amuse-bouche: ceviche（开胃小吃：酸橘汁腌鱼）
上面用上tomato，zucchini 同eggplant，以南法普罗旺斯炖菜嘅煮法，blend 埋成一个浓缩精华，中间嘅鲈鱼用柠檬皮肉同汁经过12小时腌制，让鱼肉呈半透明，口感嫩滑。最底系自制嘅Roti ，口感香脆。一口食落去，为接下来嘅Fine Dining 掀开序幕。
酸橘汁腌鱼
4 浏览
1 赞好
0 留言
🏝Tomato confit with burrata (番茄酱配布拉塔芝士)
蕃茄经四小时慢煮，迫出一个更甜嘅味道同爆浆嘅口感，下面系由pine nuts, basil, olive oil, garlic 等自制而成嘅Pesto Sauce ,中间嘅炸面系用cold-pressed oil 慢炸，非常健康。
番茄酱配布拉塔芝士
7 浏览
0 赞好
0 留言
🏝ilove crab (我爱螃蟹)
呢餐饭除咗味觉享受，仲系一个飞去峇里嘅体验。经理介绍呢道菜嘅时候系精神上引导你想像自己喺飞机上面鸟瞰峇里—— 绿色嘅岛🏖，coconut tree，仲有海星点缀。青蟹🦀熬成浓汤配合澳洲牛油果🥑同蟹肉，好creamy，味道浓郁鲜味，超级好饮。
我爱螃蟹
2 浏览
0 赞好
0 留言
我爱螃蟹
9 浏览
0 赞好
0 留言
🏝Duck risotto (鸭意大利烩饭)
意大利risotto 配上法式慢煮油封鸭脾，鸭脾表面烧到金黄色，脾肉质结实软嫩，味道带酥香，自家制咖哩汁增添惹味。仲有脆脆越南春卷皮带出东南亚fusion味道，整碎混埋risotto 一齐食，口感crunchy丰富。
鸭意大利烩饭
6 浏览
0 赞好
0 留言
🏝Coconut shell smoked scotch filet (椰壳熏肉眼)
60 个月澳洲草饲有机无基因改造嘅牛🥩，经过2-4小时用椰壳🥥烟熏慢煮过程，保留住牛肉本身嘅水分同营养，肉质软嫩中带弹性，卖相精致，细味之下更食出椰香同smoky味。
椰壳熏肉眼
1 浏览
0 赞好
0 留言
🏝Banana roti (香蕉薄饼)
大厨即席拉Roti，成件事真系又睇得又食得。酥皮厚薄适中又香脆，夹埋花生椰子干香蕉，伴随云呢拿雪糕同杂莓foam，为呢餐Fine Dining 写上完美句号。
香蕉薄饼
6 浏览
0 赞好
0 留言
🥂Wine: Bechtold Lotus 2018
Wine label上有中文字月莲，香港独有。Light body嘅白酒，味道fruity，饮到荔枝青柠味仲带有花香，好啱夏天饮，同tasting menu 嘅菜式好夹。友人直头即场买两支番屋企添。
💰：$780/人，免收加一。厨师曾喺德国二星米芝连餐厅同本地大型酒店任职，本身系峇里岛人，亲眼见住佢喺open kitchen即制各款美食，完全可以当一个表演去欣赏，赏心悦目嘅用餐体验，呢个价我觉得物超所值。有机会都会想再去试佢即将推出用柠檬做主题嘅The Hong Kong Lemon Story Tasting Menu。闻说佢地会去香港嘅农庄采摘最新鲜嘅柠檬做食材添。
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*`
张贴
