魚眾不同酸菜魚 (啟德一號) (已結業)

上星期谂住返屋企煮野食，系启德行返去港铁站时见到有间米线几正咁，重点有我几爱嘅豆腐皮，立即放弃返屋企煮野食嘅念头，入去食碗米线先走。我地点左一碗老坛酸菜汤米线搭配左鲈鱼片、莴笋和豆腐皮，唔会太酸，汤底都几浓，同莴笋好夹，豆腐皮口感十足，𬬻鱼片肉质劲滑。另一碗点左山城毛血旺米线，配左海带和黑木耳，依碗唔洗再拣汤底，会配一个麻辣汤底，里面有鸭血、猪大鸭、黑柏叶，份量十足，入口劲惹味，不过当时拣左米线，如果配白饭应该重正。辣得过瘾，当然要饮返杯冻咖啡和冻柠茶。